ନୂଆଦିଲ୍ଲୀ: ପୂର୍ବ ଲଦାଖର ଗାଲୱାନ ନଦୀ ଉପତ୍ୟକାରେ ଚୀନ୍ ଅତି କମରେ ଏକ କିଲୋମିଟର ଦୂରରେ ନିଜର ସୈନ୍ୟ ପ୍ରତ୍ୟାହାର କରିନେଇଛି l ସାଟେଲାଇଟ ଚିତ୍ରରୁ ଏହା ଜଣାପଡିଛି l ଉଭୟ ପକ୍ଷର ସୈନ୍ୟଙ୍କ ମଧ୍ୟରେ ଏକ ବଫର ଜୋନ୍ ସୃଷ୍ଟି ହୋଇଛି ବୋଲି ସୂତ୍ରରୁ ପ୍ରକାଶ। ସୂଚନାନୁସାରେ, ନଦୀ ବନ୍ଧରେ ବେଆଇନ ଭାବେ ଅଧିକୃତ ସ୍ଥାନରେ ଚୀନ୍ ସୈନ୍ୟଙ୍କ ଦ୍ୱାରା ନିର୍ମିତ ଅସ୍ଥାୟୀ ନିର୍ମାଣକୁ ଉଭୟ ପକ୍ଷ ହଟାଉଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଦିନ ଲଦାଖ ଫରୱାର୍ଡ ପୋଷ୍ଟକୁ ଆଶ୍ଚର୍ଯ୍ୟଜନକ ପରିଦର୍ଶନ କରିବାର ତିନି ଦିନ ପରେ ଚାଇନା ନିଜ ସୈନ୍ୟ ପ୍ରତ୍ୟାହାର ଆରମ୍ଭ କରିଛି l ପ୍ରଧାନମନ୍ତ୍ରୀ କହିଥିଲେ ଯେ ବିସ୍ତାରବାଦ ଯୁଗ ଶେଷ ହୋଇଛି ଓ ବିସ୍ତାରବାଦୀ ଶକ୍ତିମାନେ ହାରିଯାଇଛନ୍ତି କିମ୍ବା ପଛକୁ ଫେରିବାକୁ ବାଧ୍ୟ ହୋଇଛନ୍ତି। ଗତ ବୁଧବାର ଦିନ ଗାଲୱାନ ଉପତ୍ୟକା ସଂଘର୍ଷ ପରେ ଭାରତୀୟ ଏବଂ ଚୀନ୍ ସେନ୍ୟବାହିନୀର କମାଣ୍ଡୋମାନେ ତୃତୀୟ ରାଉଣ୍ଡ ଆଲୋଚନା ପାଇଁ ଏକାଠି ହୋଇଥିଲେ। 12 ଘଣ୍ଟା ଧରି ଆଲୋଚନା ଚାଲିଥିଲା | ଲେଫ୍ଟନାଣ୍ଟ-ଜେନେରାଲ ସ୍ତରୀୟ ଆଲୋଚନାରେ ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲ୍ – ଭାରତ ଏବଂ ଚୀନ୍ ମଧ୍ୟରେ ଥିବା ଡି-ଫାକ୍ଟୋ ସୀମା ମଧ୍ୟରେ ଟେନସନ ହ୍ରାସ ଉପରେ ଧ୍ୟାନ ଦିଆଯାଇଛି। ସୂଚନାଯୋଗ୍ୟ, ଜୁନ୍ 15 ରେ ଚୀନ୍ ସୈନ୍ୟଙ୍କ ସହ ମରଣାନ୍ତକ ଆକ୍ରମଣରେ 20 ଜଣ ଭାରତୀୟ ସୈନ୍ୟଙ୍କ ମୃତ୍ୟୁ ଘଟିଥିଲା l