ସ୍ୱାଧୀନତା ସଂଗ୍ରାମୀ ‘ରେଣ୍ଡୋ ମାଝୀ’ଙ୍କ ଚରିତ୍ର ଉପରେ ନିର୍ମାଣ ହେବ ଦ୍ୱିଭାଷୀ ଚଳଚ୍ଚିତ୍ର

0 266

ଭୁବନେଶ୍ୱର : ଓଡ଼ିଶାର କାଳାହାଣ୍ଡି ଅଞ୍ଚଳରେ କନ୍ଧ ବିପ୍ଳବର ନେତା ତଥା ସ୍ୱାଧୀନତା ସଂଗ୍ରାମୀ ରେଣ୍ଡୋ ମାଝୀଙ୍କୁ ନେଇ ଚଳଚିତ୍ର “ରେଣ୍ଡୋ ମାଝୀ” “ଦ ହିଡେନ ଷ୍ଟୋରି ଅଫ ୧୮୫୩” ଖୁବଶୀଘ୍ର ନିର୍ମାଣ ହେବାକୁ ଯାଉଅଛି । ଅମରେଶ ଜେନାଙ୍କ ନିର୍ଦେଶିତ ଏହି ଚଳଚିତ୍ରରେ ସେ ଓଡିଶା କନ୍ଧଙ୍କ ସ୍ଵାଧିନତା ସଂଗ୍ରାମର ତ୍ୟାଗକୁ ଖୁବ ନିଖୁଣ ଭାବେ କ୍ୟାମେରା ମାଧ୍ୟମରେ କଏଦ କରିବାକୁ ଯାଉଛନ୍ତି । ଏହି ଚଳଚିତ୍ରକୁ କୋଶଳି ଏବଂ ହିନ୍ଦୀ ଭାଷାରେ ନିର୍ମାଣ କରାଯିବ, ଚଳଚିତ୍ରରେ ପ୍ରଯୋଜକ ଭାବେ ବିଭୁପ୍ରସାଦ ରାଉତ କାର୍ଯ୍ୟ ସମ୍ପାଦନ କରିଥିବାବେଳେ ସିନେମାକ୍ସ ଷ୍ଟୁଡିଓ ଏହାର ଲାଇନ ପ୍ରଡ୍ୟୁସର ଭାବେ କାର୍ଯ୍ୟ କରୁଅଛି । ଚଳଚିତ୍ରର ମୁଖ୍ୟ ଭୂମିକାରେ ଅଭିନୟ କରିବେ ଓଲିଉଡ ଓ ବଲିଉଡ ଅଭିନେତା ମନୋଜ ମିଶ୍ର। ସଂଗୀତ ନିର୍ଦେଶନା ଦେଇଛନ୍ତି ପଙ୍କଜ ଜାଲ l ସେ, କହିଛନ୍ତି, ଏଭଳି ଏକ ଚଳଚ୍ଚିତ୍ର ରେ କାର୍ଯ୍ୟ କରି ସେ ଗର୍ବିତ l

ସଂଗୀତ ନିର୍ଦେଶକ ପଙ୍କଜ ଜାଲ

ରିଣ୍ଡୋ ମାଝୀଙ୍କ ବିଷୟରେ

ରେଣ୍ଡୋ ମାଝୀ ଜଣେ ସ୍ୱାଧୀନତା ସଂଗ୍ରାମୀ ଥିଲେ ଯିଏକି ୧୮୫୩ ମସିହାରେ ଭାରତରେ ବ୍ରିଟିଶମାନଙ୍କ ବିରୁଦ୍ଧରେ ଓଡ଼ିଶାର କାଳାହାଣ୍ଡି ଅଞ୍ଚଳରେ କନ୍ଧ ବିପ୍ଳବର ନେତା ଥିଲେ । କନ୍ଧ ମାନେ କାଲାହାଣ୍ଡି ରାଜାଙ୍କ ନିକଟବର୍ତ୍ତୀ ଥିବା ହେତୁ ସେମାନେ ଟିକସମୁକ୍ତ ଥିଲେ । କିନ୍ତୁ, ଯେତେବେଳେ ବ୍ରିଟିଶମାନେ ନାଗପୁରକୁ କାବୁ କଲେ, କାଲାହାଣ୍ଡି ସେମାନଙ୍କ ଅଧୀନରେ ଗଲା ଏବଂ କାଲାହାଣ୍ଡିର ରାଜା ଏବଂ ଜମିଦାର ମାନେ କନ୍ଧଙ୍କ ଠାରୁ ଟିକସ ସଂଗ୍ରହ କଲେ | ଏହାର ପ୍ରତିବାଦରେ କନ୍ଧ ମାନେ ସ୍ୱର ଉତ୍ତୋଳନ କରିଥିଲେ ​​ଏବଂ ରେଣ୍ଡୋ ମାଝୀ ଏହି ଆନ୍ଦୋଳନର ପ୍ରମୁଖ ବ୍ୟକ୍ତିତ୍ୱ ଥିଲେ।

ବ୍ରିଟିଶମାନଙ୍କର ଶକ୍ତି ବିଷୟରେ ଭଲ ଭାବରେ ଜାଣି ମଧ୍ୟ ସଂଗ୍ରାମୀ କନ୍ଧ ମାନେ ସେମାନଙ୍କ ଉପରେ ଏବଂ ସେମାନଙ୍କ ଚାଟୁକାର ମାନଙ୍କୁ ବାରମ୍ବାର ଆକ୍ରମଣ କରିଥିଲେ ରେଣ୍ଡୋଙ୍କ ନେତୃତ୍ୱରେ । ରେଣ୍ଡୋ ସେମାନଙ୍କ ମଧ୍ୟରେ ମୁଖ୍ୟ ଥିବାରୁ ସମସ୍ତ କନ୍ଧ ତାଙ୍କୁ ବହୁ ମାତ୍ରାରେ ସାହାଯ୍ୟ ମଧ୍ୟ କରିରୁଥିଲେ ।

୧୮୫୩ ମସିହାରେ ଲେଫ୍ଟନେଣ୍ଟ ମାକନେଲ ରେଣ୍ଡୋ ମାଝୀଙ୍କୁ ଗିରଫ କରାଯାଇ ଏବଂ ବିନା ବିଚାରରେ ରସାଲକଣ୍ଡା ଜେଲରେ ବନ୍ଦୀ କରାଯାଇଥିଲା। ରିଣ୍ଡୋ ମାଝୀଙ୍କ ଗିରଫଦାରୀ ଦ୍ୱାରା କନ୍ଧ ମାନଙ୍କ ମଧ୍ୟରେ ବିପ୍ଳବର ନିଆଁ ଆହୁରି ବଢ଼ିଚାଲିଥିଲା। ଦୁଇ ବର୍ଷ ପରେ, ୧୮୫୫ ମସିହାରେ ଲେଫ୍ଟନେଣ୍ଟ ମାକନେଲ ରିଣ୍ଡୋ ମାଝୀଙ୍କୁ ଗୋଡ ଏବଂ ହାତରେ ଲୁହା ଚେନରେ ବାନ୍ଧି ଗାଁ ରୁ ଗାଁ ବୁଲାଇଥିଲେ, କନ୍ଧ ନେତାଙ୍କ ମଧ୍ୟରେ ଭୟ ସୃଷ୍ଟି କରିବା ପାଇଁ । ଏପରି ନିର୍ଦ୍ଦୟ ତଥା ଅମାନୁଷିକ କାର୍ଯ୍ୟର ସାକ୍ଷୀ ରହି ସହନଶୀଳତାର ସହ କନ୍ଦ ମାନେ ଏସବୁ ସହ୍ୟ କରିବାକୁ ବାଧ୍ୟ ଥିଲେ ସେ ସମୟରେ !

ଏହାର କିଛିଦିନ ପରେ, ଡିସେମ୍ବର ୧୦ ରେ କନ୍ଧମାନେ ଉର୍ଲାଦାନୀରେ ଲେଫ୍ଟନେଣ୍ଟ ମାକନେଲଙ୍କ ବାସଭବନ ଉପରେ ଆକ୍ରମଣ କରିଥିଲେ। କିନ୍ତୁ ବ୍ରିଟିଶମାନଙ୍କ ପାଖରେ ବନ୍ଧୁକ ଏବଂ ସେମାନେ ବହୁ ମାତ୍ରାରେ ଶକ୍ତିଶାଳୀ ଥିବାରୁ ଶହ ଶହ ଲୋକଙ୍କର ମୃତ୍ୟୁ ହୋଇଥିଲା ଏହି ଘଟଣାରେ। ଲେଫ୍ଟନେଣ୍ଟ ମାକନେଲ ଲୁଚି ପଳାଇ ଯାଇଥିଲେ କନ୍ଦମାଳ ତହସିଲଦାର ଦୀନାବନ୍ଧୁ ପଟ୍ଟାନାଇକଙ୍କର ସାହାଯ୍ୟରେ । ଏହାର କିଛି ଦିନ ବ୍ୟବଧାନରେ ବ୍ରିଟିଶମାନେ ରିଣ୍ଡୋ ମାଝୀଙ୍କୁ ଫାଶୀ ଦେଇଥିଲେ।

ଏହି ଲୋମହର୍ଷଣକାରୀ ସ୍ୱଧୀନତା ସଂଗ୍ରାମରେ ସହିଦ ରେଣ୍ଡୋ ମାଝୀଙ୍କ ବଳିଦାନକୁ ନେଇ କଳାହାଣ୍ଡିର ଯୁବ ନିର୍ଦେଶକଙ୍କ ଦ୍ୱାରା ନିର୍ମିତ ଏହି ଚଳଚିତ୍ର ନିର୍ମାଣକୁ ନେଇ ଓଡ଼ିଶା ଖୁବ ଗର୍ବିତ ବୋଲି ବିଭିନ୍ନ ମହଲରୁ ଶୁଭେଚ୍ଛା ଜଣାଇଛନ୍ତି ସିନେପ୍ରେମୀ ।

Leave A Reply

Your email address will not be published.