ଜଗତସିଂହପୁର, ୫ା୯: ଶାନ୍ତିସେନା ପବ୍ଲିକେଶନ୍ସ ଦ୍ୱାରା ପ୍ରକାଶିତ ପ୍ରଫେସର୍ ଦୁର୍ଗାପ୍ରସାଦ ଆଚାର୍ଯ୍ୟଙ୍କ ଦ୍ୱାରା ଲିଖିତ ଇଂରାଜୀ କବିତା ସଙ୍କଳନ ‘କରୋନା କାରୋଲସ୍’ ଉନ୍ମୋଚିତ ହୋଇଯାଇଛି । ଜଗତସିଂହପୁର ସ୍ୱାଧୀନତା ସଂଗ୍ରାମୀ ଭବନଠାରେ ଆୟୋଜିତ ଏହି ଉନ୍ମୋଚନ କାର୍ଯ୍ୟକ୍ରମରେ ଜିଲ୍ଲାପାଳ ସଂଗ୍ରାମକେଶରୀ ମହାପାତ୍ର ମୁଖ୍ୟଅତିଥ ି ଭାବେ ଯୋଗ ଦେଇ ପୁସ୍ତକଟିକୁ ଉନ୍ମୋଚନ କରିଥିଲେ । ଏହି ଅବସରରେ ଇନସାଫ ୍ ଜିଲ୍ଲା ଶାଖା ଓ ସ୍ୱାଧୀନତା ସଂଗ୍ରାମୀଙ୍କ ଦାୟାଦ ପରିଷଦ ତରଫରୁ ପ୍ରଫେସର୍ ଆଚାର୍ଯ୍ୟଙ୍କୁ ସମ୍ବର୍ଦ୍ଧିତ କରାଯାଇଥିଲା । କରୋନା କାଳରେ ଏକାନ୍ତବାସରେ ରହୁଥିବା ବେଳର ଅନୁଭୂତିକୁ ନେଇ ଏହ ି ଇଂରାଜୀ କବିତା ସଙ୍କଳନଟି ରଚିତ ହୋଇଛି । ବିଶିଷ୍ଟ ଶିକ୍ଷାବିତ୍ କମଳା ପ୍ରସାଦ ମହାପାତ୍ର ଏହାର ମୁଖବନ୍ଧ ରଚନା କରିଛନ୍ତି । କାର୍ଯ୍ୟକ୍ରମରେ ସମାଜସେବୀ ଗୌରାଙ୍ଗ ହୋତା ଅଧ୍ୟକ୍ଷତା କରିଥିଲା ବେଳେ ଇନସାଫର ଜିଲ୍ଲା ଆବାହକ ଉକ୍ରଳ ରଂଜନ ମହାନ୍ତି କାର୍ଯ୍ୟକ୍ରମ ପରିଚାଳନା କରିଥିଲେ । ଅନ୍ୟମାନଙ୍କ ମଧ୍ୟରେ ପୂବର୍ତନ ପୌରାଧ୍ୟକ୍ଷ ବିପ୍ଲବ ଚୌଧୁରୀ, ସାହିତି୍ୟକ ମହେନ୍ଦ୍ର ଆଚାର୍ଯ୍ୟ ଓ ଶାନ୍ତିସେନା ପବ୍ଲିକେଶନର ସତ୍ୱାଧିକାରୀ ତଥା ଯୁବ ସାହିତ୍ୟିକ ରଜତ ରଶ୍ମି ସ୍ୱାଇଁ ଉପସ୍ଥିତ ଥିଲେ । ଆଜିର କାର୍ଯ୍ୟକ୍ରମରେ ବହୁ ଶିକ୍ଷକ, ଶିକ୍ଷୟିତ୍ରୀ ଯୋଗ ଦେଇଥିଲେ ।