ପାରାଦୀପ( ଦୀପ୍ତି ରଞ୍ଜନ ଦାସ): ବାତ୍ୟା ୟାସର ଲ୍ୟାଣ୍ଡଫଲ ପ୍ରକ୍ରିୟା ଶେଷ ହୋଇଛି । ଧାମରା ନିକଟରେ ୟାସ ଲ୍ୟାଣ୍ଡଫଲ କରିଛି। ଜଗତସିଂହପୁରରେ ଓ କେନ୍ଦ୍ରାପଡ଼ା ଜିଲ୍ଲାରେ ବିଶେଷ କ୍ଷୟକ୍ଷତି ହୋଇନାହିଁ। ଭଦ୍ରକ ଓ ବାଲେଶ୍ୱର ଜିଲ୍ଲା ରେ ସାମାନ୍ୟ କ୍ଷତି ହୋଇଛି। ୨ ଜଣଙ୍କ ମୃତ୍ୟୁ ଘଟିଛି।
ପାରାଦୀପକୁ ଆଉ କୌଣସି ବିପଦ ନଥିବାରୁ ଲୋକେ ବାତ୍ୟା ଆଶ୍ରୟ ସ୍ଥଳୀରୁ ନିଜ ନିଜ ଘରକୁ ଫେରୁଛନ୍ତି । ବଡ଼ କଥା ହେଉଛି ଲୋକଙ୍କ ଜୀବନ ପ୍ରତି ବିପଦ ଥିବାରୁ କଚ୍ଚା ଘରୁ ଲୋକଙ୍କୁ ଉଦ୍ଧାର କରି ପ୍ରଶାସନ ବିଭିନ୍ନ ଆଶ୍ରାୟ ସ୍ଥଳୀରେ ରଖିଥିଲେ । ପାରଦିପରେ ପ୍ରାୟ ୨୦ଟି ଆଶ୍ରୟ ସ୍ଥଳୀ ରେ ଲୋକଙ୍କୁ ରଖାଯାଇଥିଲା । ଲ୍ୟାଣ୍ଡ ଫଲ ପ୍ରକ୍ରିୟା ଶେଷ ହେବା ପରେ ଲୋକେ ତାଙ୍କ ଆସବାବପତ୍ର ଧରି ଘରକୁ ଫେରୁଛନ୍ତି ।