ତିର୍ତ୍ତୋଲ ବିଜେଡି ବିଧାୟକଙ୍କ ଅନ୍ତରଙ୍ଗ ମୁହୂର୍ତ୍ତର ଫଟୋ ଭାଇରାଲ

0 12,370

ଭୁବନେଶ୍ୱର: ତିର୍ତ୍ତୋଲ ବିଜେଡି ବିଧାୟକ ବିଜୟଶଙ୍କର ଦାସଙ୍କ ଅନ୍ତରଙ୍ଗ ମୁହୂର୍ତ୍ତର କିଛି ଫଟୋ ଏବେ ସୋଶାଲ ମିଡ଼ିଆ ଭାଇରାଲ ହେବାକୁ ନେଇ ଜଗତସିଂହପୁର ଜିଲ୍ଲା ରାଜନୀତି ସରଗରମ ହୋଇଛି। ଯୁବ ବିଧାୟକ ଶ୍ରୀ ଦାସଙ୍କର ଜଣେ ଯୁବତୀଙ୍କ ସହ ଏହି ଅନ୍ତରଙ୍ଗ ମୁହୂର୍ତ୍ତର ଫଟୋଗୁଡ଼ିକ ଗତ କିଛିଦିନ ଧରି ଭାଇରାଲ ହେଉଛି। ତେବେ ବିଧାୟକ ଶ୍ରୀ ଦାସ ଏଭଳି ଫଟୋ ତାଙ୍କର ନୁହେଁ ବୋଲି ସିଧାସଳଖ ଫାଙ୍କି ଦେଇଛନ୍ତି। ଫଳରେ ଆଉ ଏକ ମମିତା ମେହେର ମାମଲାର ପୁନରାବୃତ୍ତି ହେବାର ଆଶଙ୍କା ସୃଷ୍ଟି କରିଛି। ପଞ୍ଚାୟତ ଓ ପୌର ନିର୍ବାଚନ ପ୍ରକ୍ରିୟା ଜାରି ରହିଥିବା ବେଳେ ଯୁବ ବିଧାୟକ ଶ୍ରୀ ଦାସଙ୍କ ପ୍ରେମ, ପ୍ରତାରଣା ଓ ଧୋକାର ଏକ ନୂଆ ଦିଗ ଶାସକ ବିଜେଡିର ମୁଣ୍ଡବ୍ୟଥାର କାରଣ ପାଲଟିଥିବା ଜଣାପଡ଼ିଛି। ଯୁବତୀ ଜଣକ ଜଗତସିଂହପୁର ଟାଉନ୍ ର ବୋଲି ଚର୍ଚ୍ଚା ହେଉଛି।

Leave A Reply

Your email address will not be published.

2 × two =