ଭୁବନେଶ୍ୱର,୮ା୯ : ଡିଭାଇଡରରେ ଧକ୍କା ଦେଇ ଓଲଟିଲା କାର୍ । କିଟ୍ ଛକରୁ ପଟିଆ ଷ୍ଟେସନ୍ ରାସ୍ତାରେ ଦ୍ରୁତ ଗତିରେ ଆସୁଥିବା ଏକ ନେକ୍ସନ୍ କାର୍ ଡିଭାଇଡର୍ରେ ଧକ୍କା ହୋଇ ଓଲଟି ପଡ଼ିଥିଲା । ଗାଡ଼ି ନଂ- ୨୧ବିଏଚ୍ ୯୧୧୩ଏ ରୁ ଏହା ଜଗତସିଂହପୁର ଅଞ୍ଚଳର ବୋଲି ଜଣାପଡ଼ିଛି । ଗାଡ଼ି ଧକ୍କା ହେବା ପରେ ଡ୍ରାଇଭର୍ ଘଟଣାସ୍ଥଳରୁ ଚମ୍ପଟ ମାରିଛି । ଏହି ଦୁର୍ଘଟଣାରେ କେହି ମୃତାହତ ହୋଇନଥିବା ଜଣାପଡ଼ିଛି । ଇନ୍ଫୋସିଟି ଥାନା ପୁଲିସ ଘଟଣାସ୍ଥଳରେ ପହଞ୍ଚି ରାସ୍ତା ଉପରୁ ଗାଡ଼ି ହଟାଇବାକୁ ଉଦ୍ୟମ ଆରମ୍ଭ କରିଛି ।
