ପୁଣି ପଦାରେ ପଡ଼ିଲା ବିଜେଡି କନ୍ଦଳ
ତିର୍ତୋଲ(ସାମନ୍ତରାୟ ମନୋରଞ୍ଜନ ଦାସ): ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ଆଜି ତିର୍ତୋଲ ନିର୍ବାଚନମଣ୍ଡଳୀର ତିର୍ତୋଲ ବ୍ଲକ୍ ଠାରୁ ନେହେରୁ ପଡିଆ ପର୍ଯ୍ୟନ୍ତ ବିଜୁ ଜନତା ଦଳ ର ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି । ଏହି ପଦ ଯାତ୍ରା ରେ ତିର୍ତୋଲ ବିଧାୟକ ବିଷ୍ଣୁ ଦାସ , ତିର୍ତୋଲ ବ୍ଲକ୍ ବିଜୁ ଜନତା ଦଳ ସଭାପତି ବସନ୍ତ ମହାପାତ୍ରଙ୍କ ସମେତ ବିଜୁ ଜନତା ଦଳର ବହୁ ଜିଲ୍ଲା ଏବଂ ବ୍ଳକର କାର୍ଯ୍ୟକର୍ତା ଯୁବ, ଛାତ୍ର, ମହିଳା ଯୋଗଦେଇ ଏହି ପଦଯାତ୍ରାକୁ ସଫଳ କରିଥିଲେ। ପ୍ରାୟ ୫୦୦୦ ରୁ ଉର୍ଦ୍ଧ୍ବ ଦଳୀୟ କର୍ମୀମାନେ ଏହି ପଦଯାତ୍ରାରେ ଯୋଗ ଦେଇଥିଲେ ।
ଅନୁରୂପ ଭାବରେ ବିଧାୟକଙ୍କ ପାରମ୍ପରିକ ଶତ୍ରୁ କୁହାଯାଉଥିବା ଜଗତସିଂହପୁର ସାଂସଦ ଡା ରାଜଶ୍ରୀ ମଲିକ ଗତ ୨ତାରିଖରେ ତିର୍ତୋଲ ବ୍ଳକର ତୁଳଙ୍ଗ ପଂଚାୟତରେ ବିଧାୟକଙ୍କୁ ନ ଡ଼ାକି ପଦଯାତ୍ରା ଆୟୋଜନ କରିଥିଲେ ଏହାକୁ ନେଇ ରାଜନୀତି ସରଗରମ ଥିବାବେଳେ ତିର୍ତୋଲରେ ବହୁତ ସମର୍ଥକଙ୍କୁ ଏକଠି କରି ବିନା ସାଂସଦରେ ବିଧାୟକ ଵିଷ୍ଣୁ ଦାସ ଦମ ଦେଖାଇଛନ୍ତି ।