ଖୋର୍ଦ୍ଧା ( ଅନସୂୟା ଶ୍ରୀଚନ୍ଦନ ) : ଆଜି ପବିତ୍ର କୁମାର ପୂର୍ଣ୍ଣମାରେ ଜଣେ ଯୁବତୀଙ୍କ ଝୁଲତା ମୃତଦେହ ବିଲ ମଧ୍ୟରୁ ଉଦ୍ଧାର ହୋଇଛି ।ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ ଭୁଆସୁଣୀପାଟଣା ଗ୍ରାମର ସୁଶାନ୍ତ ବେହେରାଙ୍କ ଝିଅ ଶିବାନୀ ବେହେରା ଦୁଇଦିନ ତଳେ ନିଖୋଜ ଥିବା ନେଇ ଗତକାଲି ତାଙ୍କ ମା ବେଗୁନିଆ ଥାନାରେ ଅଭିଯୋଗ କରିଥିଲେ ।କିନ୍ତୁ ଆଜି ତାଙ୍କ ମୃତଦେହ ଗ୍ରାମ ନିକଟ ଗହୀର ମଧ୍ୟରେ ଏକ ନିମ୍ୱଗଛ ରେ ଝୁଲନ୍ତା ଅବସ୍ଥାରେ ଥିବା ଗ୍ରାମବାସୀ ଦେଖି ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ବେଗୁନିଆ ପୋଲିସ ପହଞ୍ଚି ମୃତଦେହକୁ ଜବତ କରି ଖୋର୍ଦ୍ଧା ଡାକ୍ତରଖାନାକୁ ଶବ ବ୍ୟବଚ୍ଛେଦ ପାଇଁ ପଠାଇଛି।ତେବେ ଶିବାନୀ ଆତ୍ମହତ୍ୟା କରିଛି ନା ତାଙ୍କୁ ହତ୍ୟା କରିଛି ତାହା ଡାକ୍ତର ରିପୋର୍ଟ ଆସିଲେ ଜଣା ପଡିବ ବୋଲି ଥାନା ଅଧିକାରୀ ରଶ୍ମି ରଞ୍ଜନ ସାହୁ କହିଛନ୍ତି ।