କୁଜଙ୍ଗ (ରଞ୍ଜିତ କୁମାର ପଣ୍ଡା) କୁଜଙ୍ଗ ବ୍ଲକର ନୂତନ ବିଡ଼ିଓ ଭାବରେ କାର୍ଯ୍ୟରେ ଯୋଗ ଦେଇଛନ୍ତି ହେମନ୍ତ କୁମାର ମହନ୍ତ ।ଦୀର୍ଘ ଦିନ ଧରି ଖାଲି ପଡ଼ିଥିବା ଏହି ସ୍ଥାନ ପାଇଁ ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ୍ ବିଡ଼ିଓ ଶ୍ରୀଯୁକ୍ତ ମହନ୍ତଙ୍କୁ ନିଯୁକ୍ତି ରାଜ୍ୟ ସରକାର ଦେଇଛନ୍ତି ।ବିବାଦୀୟ ପରିସ୍ଥିତିରେ ପୂର୍ବତନ ବିଡ଼ିଓ କିଶୋର ଚନ୍ଦ୍ର ସ୍ୱାଇଁ ଙ୍କୁ ନେଇ ସାରା ଜିଲ୍ଲାରେ କୁଜଙ୍ଗ ବ୍ଲକ୍ ସେତେବେଳେ ଚର୍ଚ୍ଚାର ଘେରକୁ ଆସିଥଲେ ।ସେଥିପାଇଁ ଶ୍ରୀ ସ୍ୱାଇଁ ଙ୍କୁ ରାଜ୍ୟ ସରକାର ତୁରନ୍ତ ବଦଳି ନିର୍ଦ୍ଦେଶ ଦେଇଥିଲେ। ନଭେମ୍ବର ମାସରୁ ଶ୍ରୀ ସ୍ୱାଇଁ ଯିବା ପରେ ଏହି ପଦବୀ ଖାଲି ପଡିଥିଲା।ତେଣୁ ରାଜ୍ୟ ସରକାର ଦୁଇ ଦିନ ତଳେ ଶ୍ରୀଯୁକ୍ତ ମହନ୍ତ ଙ୍କ ନାମ ଘୋଷଣା କରାଯାଇଥିବା ବେଳେ ସେ ଆଜି କାର୍ଯ୍ୟରେ ଯୋଗ ଦେଇଥିବା ଜଣାପଡ଼ିଛି।ନୂତନ ବିଡ଼ିଓ ଙ୍କୁ ଅତିରିକ୍ତ ବିଡ଼ିଓ ସନ୍ତୋଷ କୁମାର ଶତପଥୀ ଙ୍କ ସମେତ କୁଜଙ୍ଗ ପଞ୍ଚାୟତ ସମିତି ର ସମସ୍ତ କର୍ମଚାରୀ ଓ ସରପଞ୍ଚ,ସମିତି ମେମ୍ବର ଶୁଭେଚ୍ଛା ଜଣାଇଛନ୍ତି।