ସାହାଦା, ବାଲେଶ୍ଵର,୧୮ା୪: ରିବିବାର ଦିନ ସାହାଡ଼ା ଉଚ୍ଚବିଦ୍ୟାଳୟ ପ୍ରାଙ୍ଗଣରେ ପୂର୍ବତନ ଛାତ୍ରଛାତ୍ରୀଙ୍କୁ ନେଇ ଏକ ସଭା ଅନୁଷ୍ଠିତ ହୋଇଯାଇଛି । ଏହି ଅବସରରେ ବିଦ୍ୟାଳୟର ଆଲୁମିନି ସଦସ୍ୟମାନେ ଏକତ୍ର ହୋଇ ଅତିତରେ ସ୍ମୃତି ରୋମନ୍ଥନ କରିବା ସହିତ ‘୫-ଟି’ କାର୍ଯ୍ୟର ସମୀକ୍ଷା କରିଥିଲେ ।
ଅଗ୍ରାଧୀକାର ଭତ୍ତିରେ ବିଦ୍ୟାଳୟ ସିକ୍ୟୁରିଟି ଗାର୍ଡର ବ୍ୟବସ୍ଥା, ଉଦ୍ୟାନ ତଥା ପରିମଳ ବ୍ୟବସ୍ଥାରେ ସୁଧାର, ସାଇକଲ ଷ୍ଟାଣ୍ଡ ନିର୍ମାଣ, ଖେଳପଡିଆର ଉନ୍ନତିକରଣ ତଥା ଏକ ଆଲୁମିନି ହଲ ନିର୍ମାଣ ଆଦି କାର୍ଯ୍ୟ ଉପରେ ଗୁରୁତ୍ୱାରୋପ କରାଯାଇଥିଲା ।
ଉକ୍ତ ସଭାରେ ବିଦ୍ୟାଳୟର ପ୍ରଥମ ବର୍ଷ ଛାତ୍ର ଗୌରୀ କୁମାର ରାଉତ ପୌରହିତ୍ୟ କରିଥିଲେ, ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ରଂଜିତା ଦାସ ପୁରାତନ ଛାତ୍ରଛାତ୍ରୀଙ୍କୁ ସ୍ୱାଗତ କରିବା ସହିତ ବିଦ୍ୟାଳୟର ସମସ୍ୟା ବିଷୟରେ ସମସ୍ତଙ୍କୁ ଅବଗତ କରାଇଥିଲେ ।
ସାହାଦା ଉଚ୍ଚବିଦ୍ୟାଳୟକୁ ସବୁ ଦୃଷ୍ଟିରୁ ସରସ ସୁନ୍ଦର କରି ଗଢି ତୋଳିବା ସହିତ ଏହାର ଗୁଣାତ୍ମକ ମାନର ଉନ୍ନତି ନିମନ୍ତେ ଆଲୁମିନିର ସମସ୍ତ ସଦସ୍ୟ ଅଙ୍ଗୀକାର ବଦ୍ଧ ହୋଇଥିଲେ । ଶେଷରେ ଆଲୁମିନି ପକ୍ଷରୁ ରୁଚିର କୁମାର ଦାସ ଧନ୍ୟବାଦ ଦେଇଥିଲେ । ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟିତ୍ରୀ, ଅନ୍ୟାନ୍ୟ କର୍ମଚାରର ତଥା ପୁରାତନ ଛାତ୍ରଛାତ୍ରୀଙ୍କ ଉପସ୍ଥିତି ଏକ ଭାବ ବିହ୍ୱଳ ପରିବେଶ ସୃଷ୍ଟି ହୋଇଥିଲା ।