ଭୁବନେଶ୍ୱର (ମାନସ ବସ୍ତିଆ ): ଲୋକଙ୍କ ସହ ମିଶ l ସେମାନଙ୍କ ସମସ୍ୟା ସମାଧାନ କରିବାକୁ ଚେଷ୍ଟା କର l ସରଳ ଓ ନିରାଡ଼ମ୍ବର ଜୀବନ ଯାପନ କର l ବିଜେଡି କାର୍ଯ୍ୟାଳୟରେ ଆଜି ସଭାପତି ନବୀନ ପଟ୍ଟନାୟକ ସମସ୍ତ ଜିଲ୍ଲା ସଭାପତି ଓ ଦଳୀୟ ପର୍ଯ୍ୟବେକ୍ଷକମାନଙ୍କୁ ଏହି ନିର୍ଦ୍ଦେଶ ଦେଇଛନ୍ତି l ଆଜି ବିଜେଡି ରାଜ୍ୟ କାର୍ଯ୍ୟାଳୟରେ ପାର୍ଟିର ଗୁରୁତ୍ୱପୂର୍ଣ ବୈଠକ ବସିଥିଲା l ଆସନ୍ତା ଅକ୍ଟୋବର 2 ଗାନ୍ଧୀ ଜୟନ୍ତୀରୁ 10ଦିନ ଧରି ଲୋକନାୟକ ଜୟନ୍ତୀ ପର୍ଯ୍ୟନ୍ତ ପଦଯାତ୍ରାରେ ରାଜ୍ୟ ସରକାରଙ୍କ ସଫଳତାକୁ ଲୋକଙ୍କ ନିକଟରେ ପହଞ୍ଚାଇବାକୁ ସଭାପତି ନବୀନ ପଟ୍ଟନାୟକ ନିର୍ଦ୍ଦେଶ ଦେଇଥିଲେ l ବିଜେଡି ବୈଠକ ପରେ ଉପସଭାପତି ଦେବୀପ୍ରସାଦ ମିଶ୍ର କହିଛନ୍ତି, ପଦଯାତ୍ରା ଏବଂ ଦଳର ସଭ୍ୟ ସଂଗ୍ରହ ଉପରେ ଆଲୋଚନା ହୋଇଛି, ରାଜ୍ୟର ବିକାଶ, ମୋ ସରକାର, ୫-T ସମ୍ପର୍କରେ ଲୋକଙ୍କୁ ଅବଗତ କରାଯିବ I ପଦଯାତ୍ରା ସମୟ ଅବଧି ବଢ଼ାଇବା ପାଇଁ ଜିଲ୍ଲା ପର୍ଯ୍ୟବେକ୍ଷକ ଓ ସଭାପତିଙ୍କୁ ଅନୁରୋଧ କରାଯାଇଛି ବୋଲି କହିଛନ୍ତି ମୁଖପାତ୍ର ପ୍ରତାପ ଦେବ l
