ବାଙ୍କୀ(ଆଶିଷ କୁମାର ମହାପାତ୍ର): ବାଙ୍କୀ ସ୍ୱଂୟ ଶାସିତ ମହାବଦ୍ୟାଳର କମ୍ପ୍ୟୁଟର ବିଜ୍ଞାନ ବିଭାଗ ଆନୁକୁଲ୍ୟରେ +୩ ପ୍ରଥମ ବର୍ଷ ଛାତ୍ରଛାତ୍ରୀମାନଙ୍କ ଉଦ୍ଦେଶ୍ୟରେ ଏକ ସ୍ୱାଗତ ଉତ୍ସବ ଅନୁଷ୍ଠିତ ହୋଇଯାଇଛି । ଉକ୍ତ ଉତ୍ସବରେ ବିଭାଗୀୟ ମୁଖ୍ୟ ଅଧ୍ୟାପକ ମାନସ ରଞ୍ଜନ ମହାପାତ୍ର ସଭାପତିତ୍ୱ କରି ନୂତନ ଛାତ୍ରଛାତ୍ରୀମାନଙ୍କୁ ସ୍ୱାଗତ ଜଣାଇଥିଲେ । ମୁଖ୍ୟ ଅତିଥିଭାବେ ବାଙ୍କୀର ଯୁବ ବିଧାୟକ ଦେବୀରଞ୍ଜନ ତ୍ରିପାଠୀ ଯୋଗଦାନ କରି କମ୍ପ୍ୟୁଟର ବିଜ୍ଞାନ ହେଉଛି ଏକ ଅତ୍ୟାଧୁନିକ ବିଜ୍ଞାନ ଓ ଏଠାରୁ ପାଠ ପଢି ଛାତ୍ରଛାତ୍ରୀମାନେ ଆମ ଦେଶରେ ତଥା ବିଦେଶରେ ନିିଜର ଜୀବନ ଜୀବିକା ନିରୂପଣ କରିବା ସହ କଲେଜର ସୁନାମକୁ ଆଣିବା ପାଇଁ ପରାମର୍ଶ ଦେଇଥିଲେ । ମୁଖ୍ୟବକ୍ତାଭାବେ ଅଧ୍ୟକ୍ଷା ଡ.ନିବାସିନୀ ପଣ୍ଡା ଯୋଗାଦାନ କିର ଭଲପାଠ ପଢିବା ସହ ଶୃଙ୍ଖଳା ରଖିବା ଉପରେ ଛାତ୍ରଛାତ୍ରୀମାନଙ୍କୁ ପରାମର୍ଶ ଦେଇଥିଲେ । ସମ୍ମାନୀତ ଅତିଥିଭାବେ ଟ୍ରାଇଡେଣ୍ଟ ଭୁବନେଶ୍ୱରର ସହକାରୀ ପ୍ରଫେସର ଦକ୍ଷ ପ୍ରସାଦ ପତି ଯୋଗଦାନ କରି ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ । ଅନ୍ୟତମ ସମ୍ମାନୀତ ଅତିଥି ଭୁବନେଶ୍ୱର ମିଟ୍ ଶିକ୍ଷାଅନୁଷ୍ଠାନର ପ୍ଲେସମେଣ୍ଟ୍ ଅଧିକାରୀ କ୍ଷମାକାନ୍ତ ସାହୁ ଯୋଗଦାନ କରି ଛାତ୍ର ଛାତ୍ରୀମାନଙ୍କ ଦକ୍ଷତା ବୃଦ୍ଧି ଘଟିଲେ ଭଲ ଅନୁଷ୍ଠାନରେ ଚାକିରି କରିବାର ସୁଯୋଗ ମିଳିବ ଓ ସେଥି ନିମନ୍ତେ ଭଲ ପାଠ ପଢିବାର ଆବଶ୍ୟକତା ରିହଛି । ବିଶିଷ୍ଟ ସମ୍ମାନୀତ ଅତିଥିଭାବେ ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗାଦାନ କରି ଛାତ୍ରଛାତ୍ରୀମାନେ ଶିକ୍ଷା ଗ୍ରହଣ ପାଇଁ ନିଷ୍ଠାର ସହ ଅଧ୍ୟୟନ କରି ଗୁରୁଜନମାନଙ୍କୁ ଭକ୍ତିକଲେ ସଫଳତାର ଶୀର୍ଷରେ ପହଞ୍ôଚ ପାରିବ ବୋଲି ମତବ୍ୟକ୍ତ କରିଥିଲେ । କଲେଜର ଉପାଧ୍ୟକ୍ଷ ପ୍ରାଧ୍ୟାପକ ସଦାନନ୍ଦ ବାରିକ ସ୍ୱାଗତ ଭାଷଣ ଦେଇଥିବା ବେଳେ ଅଧ୍ୟାପିକା ଶୁଭଲକ୍ଷ୍ମୀ ସାହୁ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ନୂତନ ଛାତ୍ରଛାତ୍ରୀମାନଙ୍କୁ ପୁଷ୍ପଗୁଚ୍ଛ ପ୍ରଦାନ କରାଯାଇ ସ୍ୱାଗତ କରାଯାଇଥିଲା ଓ ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।