ପାରାଦ୍ୱୀପ(ଦିପ୍ତୀରଂଜନ ଦାସ) : ପାରାଦ୍ୱୀପ ବନ୍ଦରରେ ସାମୟିକ ଭାବେ “ସ୍ୱଚ୍ଛତା ହିଁ ସେବା” ଓ “ସ୍ୱଚ୍ଛତା ପଖୱାଡା” ପାଳନ ଅବସରରେ ପୋର୍ଟ ଟ୍ରଷ୍ଟ ହାଇସ୍କୁଲରେ ଛାତ୍ରଛାତ୍ରୀ ମାନଙ୍କୁ ସ୍କୁଲବ୍ୟାଗ୍ ଓ ପାଠ୍ୟ ଉପକରଣ ବଣ୍ଟନ କରାଯାଇଥିଲା । ବନ୍ଦର ପକ୍ଷରୁ ବୁଧବାର ଦିନ ଆୟୋଜିତ ଏକ କାର୍ଯ୍ୟକ୍ରମରେ ପାରାଦ୍ୱୀପ ଲେଡିଜ୍ କ୍ଳବର ସଭାନେତ୍ରୀ ଶୁଭଲକ୍ଷ୍ମୀ ରଏ ମୁଖ୍ୟ ଅତିଥି ଭାବେ ଯୋଗଦେଇ ସ୍କୁଲର ଛାତ୍ରଛାତ୍ରୀ ମାନଙ୍କୁ ସ୍କୁଲବ୍ୟାଗ ଓ ଅନ୍ୟାନ୍ୟ ପାଠ୍ୟ ଉପକରଣ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ବନ୍ଦର ଡେପୁଟି ସିଏମ୍ଇ ଦୀପକ କୁମାର ରଥ ଓ ପାରାଦ୍ୱୀପ ସାକ୍ଷରତା ସମିତିର ସ୍ୱେଚ୍ଛାସେବୀମାନେ ସହଯୋଗ କରିଥିଲେ । ତେବେ ସମସ୍ତ ସ୍କୁଲର ଛାତ୍ରଛାତ୍ରୀ ମାନଙ୍କୁ ୬୦୦ରୁ ଉଦ୍ଧ୍ୱର୍ ସ୍କୁଲ ବ୍ୟାଗ ପ୍ରଦାନ କରାଯିବ ବୋଲି ବନ୍ଦର ପକ୍ଷରୁ ସୂଚନା ମିଳିଛି । ଏହି କାର୍ଯ୍ୟକ୍ରମ ପରିପ୍ରେକ୍ଷୀରେ ବନ୍ଦର ଲୋକ ସମ୍ପର୍କ ଶାଖା ପକ୍ଷରୁ ଏକ ସ୍ୱଚ୍ଛତା କର୍ମଶାଳା ସ୍କୁଲ ପରିସରରେ ଅନୁÂିତ ହୋଇଥିଲା । ଏଥିରେ ଛାତ୍ରଛାତ୍ରୀ ମାନଙ୍କୁ ସ୍ୱଚ୍ଛତା ସଚେତନତା ଓ ପ୍ଳାଷ୍ଟିକ ବର୍ଜ୍ୟବସ୍ତୁ ପରିଚାଳନା ସମ୍ବନ୍ଧୀୟ ଏକ ଡକୁମେଣ୍ଟାରୀ ଚଳଚିତ୍ର ପ୍ରଦର୍ଶନ କରାଯାଇଥିଲା ।