ତିର୍ତ୍ତୋଲ : ଜଗନ୍ନାଥପୁର ସ୍ଥିତ ଦକ୍ଷତା ବିକାଶ କେନ୍ଦ୍ରରେ ବିଧାୟକ ଵିଷ୍ଣୁ ଦାସଙ୍କ ନିର୍ଦ୍ଦେଶରେ ପ୍ରତିନିଧି ରଶ୍ମି ରଂଜନ ଚୌଧୁରୀ ଯାଇ ଦକ୍ଷତା କେନ୍ଦ୍ର ଭ୍ରମଣ କରିବା ସହିତ ବିଭିନ୍ନ ସମସ୍ୟା ବିଷୟରେ ପଚାରି ବୁଝିଥିଲେ । ମେଧାବି ପିଲାମାନଙ୍କ ଶିକ୍ଷା କେନ୍ଦ୍ର,ପ୍ରାଟିକାଲ ଗୃହ, କିଭଳି ସେମାନଙ୍କ ପାଇଁ ଖାଇବା ଓ ରହିବାର ବେବସ୍ତା କରାଯାଇଛି ତାହା ତଦାରଖ କରିଥିଲେ ଏହି କାର୍ଯ୍ୟକ୍ରମ ରେ ସମାଜସେବୀ ସୁଜିତ ମହାନ୍ତି, ପ୍ରଭୁତି ମହାପାତ୍ର ଉକ୍ତ କେନ୍ଦ୍ର ର ବରିଷ୍ଠ କାର୍ଯ୍ୟକର୍ତ୍ତା ପ୍ରଦୀପ୍ତ କୁମାର ଲେଙ୍କା ଙ୍କ ଅଧ୍ୟକ୍ଷତାରେ ଏକ ସାମାଜିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଉପସ୍ଥିତ ଥିବା ସମସ୍ତ କାର୍ଯ୍ୟକ୍ରତା ଦକ୍ଷତା ବିକାଶ କ୍ଷେତ୍ରର ବ୍ୟାପକ ପ୍ରଚଳନ ନିମନ୍ତେ ମତ ପ୍ରକାଶ କରିଥିଲେ ଏବଂ ପ୍ରତିନିଧି ଶ୍ରୀ ଚୌଧୁରୀ ଙ୍କ ଦ୍ଵାରା ଦକ୍ଷତା ବିକାଶ କେନ୍ଦ୍ର ର ଛାତ୍ର, ଛାତ୍ରୀ ମାନଙ୍କୁ ୟୁନିଫର୍ମ ବଣ୍ଟନ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ସର୍ବଶ୍ରୀ ଛତର, ସୁଷନ୍ତ ପବନ ଗୁପ୍ତା, ପ୍ରିୟଦର୍ଶୀ ସତ୍ୟରଞ୍ଜନ, ସନାତନ କାଣ୍ଡି, ପ୍ରତିଜ୍ଞା ନାୟକ,ସିଲା ପଦ୍ମା ଜେନା ପ୍ରମୁଖ ତାଙ୍କର ମତପ୍ରକାଶ କରିଥିଲେ ଶେଷରେ ଦକ୍ଷତା କେନ୍ଦ୍ର ର ଯେଉଁ ସମସ୍ୟା ରହିଛି ସେଗୁଡିକ ଯଥାଶୀଘ୍ର ସମାଧାନ ହେବାପାଇଁ ବିଧାୟକ ଏବଂ ବିଭାଗ ର ମନ୍ତ୍ରୀ ଙ୍କ ଦୃଷ୍ଟି ଆକର୍ଷଣ କରିବେ ବୋଲି ଶ୍ରୀ ଚୌଧୁରୀ ମତ ରଖିଥିଲେ ।