ଖୋର୍ଦ୍ଧା: ଅବକାରୀ ବିଭାଗ ପଞ୍ଝାରେ ପୁଣି ଜଣେ ବ୍ରାଉନସୁଗାର ବେପାରୀ । ଗୁରୁବାର ସକାଳୁ ଖୋର୍ଦ୍ଧା ଅବକାରୀ ବିଭାଗ ବେଗୁନିଆ ଥାନା ଅନ୍ତର୍ଗତ ବଡ଼ବେରଣା ଗ୍ରାମରେ ଚଢ଼ାଉ କରି ଜଣେ ବ୍ରାଉନସୁଗାର ବେପାରୀ ଗିରଫ କରିବା ସହ 32 ଗ୍ରାମର ବ୍ରାଉନସୁଗାର ଜବତ କରିଛି । ଗିରଫ ହୋଇଥିବା ବେପାରୀ ଜଣଙ୍କ ଧରଣୀଧର ମହାପାତ୍ର ବୋଲି ଜଣାପଡିଛି । ତେବେ ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ତିନି ଲକ୍ଷ କୋଡିଏ ହଜାର ଟଙ୍କା ହେବ ବୋଲି ଜଣାପଡିଛି । ଏପଟେ ଧରଣୀକୁ ଗିରଫ କରିବା ପରେ କୋର୍ଟ ଚାଲାଣ କରିଛି ଖୋର୍ଦ୍ଧା ଅବକାରୀ ଅଧିକାରୀ । ତେବେ ଧରଣୀଧର ପୂର୍ବରୁ ଚୋରା ମଦ କାରବାର କରି ଗିରଫ ହୋଇସାରିଥିବା ଜଣା ପଡ଼ିଛି ।