ବାଙ୍କୀ(ଆଶିଷ କୁମାର ମହାପାତ୍ର): ପୋଲିସ ଆମର ବନ୍ଧୁ ତଥା ସାହାଯ୍ୟକାରୀ ଏକଥାକୁ ଛାତ୍ରଛାତ୍ରୀମାନଙ୍କୁ ଅବଗତି କରାଯିବା ନିମନ୍ତେ ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟର ମହିଳା ସମର ଶିକ୍ଷାର୍ଥୀ ବାହିନୀ , ରୋଭର୍ସ ଓ ରେଞ୍ଜର୍ସ ଏବଂ ବାଙ୍କୀ ଉଚ୍ଚ ସରକାରୀ ବିଦ୍ୟାଳୟର ଛାତ୍ରୀମାନଙ୍କୁ ନେଇ ଏକ ସ୍ୱତନ୍ତ୍ର ସଭା ବାଙ୍କୀ ଥାନା ପରିସରରେ ଅନୁଷ୍ଠିତ ହୋଇଯାଇଛି । ଲେପ୍ଟନାଣ୍ଟ୍ ଡ.ସନ୍ଧ୍ୟାରାଣୀ ମହାନ୍ତିଙ୍କ ସଭାପତିତ୍ୱରେ ଅନୁଷ୍ଠିତ ଉକ୍ତ ସଭାରେ ମୁଖ୍ୟ ଅତିଥିଭାବେ ବାଙ୍କୀ ଥାନାର ସେକେଣ୍ଡ ଅଫିସର ଶୁଭେଁଶୁ ଶେଖର ପାଢୀ ଯୋଗଦାନ କରି ଛାତ୍ରଛାତ୍ରୀମାନଙ୍କୁ ପୋଲିସର କାର୍ଯ୍ୟାବଳି ତଥା ଜଣେ ଉତ୍ତମ ସାହାଯ୍ୟକାରି ବନ୍ଧୁଭାବେ ବର୍ଣ୍ଣନା କରିଛନ୍ତି । ମୁଖ୍ୟ ବକ୍ତାଭାବେ ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗଦାନ କରି ପୋଲିସ ଆମର ଅସୁବିଧା ସମୟରେ ସାହାଯ୍ୟ କରିବା ସହ ଶାନ୍ତି ଶୃଙ୍ଖଳା ଉପରେ ସର୍ବଦା ଗୁରୁତ୍ୱ ଦେଇଥାଏ । ଉକ୍ତ ସଭାରେ ବାଙ୍କୀ ସରକାରୀ ଉଚ୍ଚ ବିଦ୍ୟାଳୟର ଶିକ୍ଷୟତ୍ରୀ ଜୟନ୍ତୀ ଗୋଚ୍ଛି ଓ ବାଙ୍କୀ ଥାନାର କର୍ମ·ରୀ ବନ୍ଧୁମାନେ ଯୋଗଦାନ କରିଥିଲେ । ଶେଷରେ ରୋଭର୍ସ ଲିଡର ଭୂପତି ଭୂଷଣ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।