ବାଲେଶ୍ୱର :ସଡ଼କ ଦୁର୍ଘଟଣାରେ ଚିତ୍ରଶିଳ୍ପୀ ଦେବେନ୍ଦ୍ର ଖଟୁଆ(୪୨)ଙ୍କ ପରଲୋକ ଘଟିଛି l ବାଲେଶ୍ୱର ସହଦେବଖୁଣ୍ଟା ଅଂଚଳର ଭୀମପୁରା ଗ୍ରାମ ରେ ସେ ଜନ୍ମ ଗ୍ରହଣ କରିଥିଲେ l
ଜଳରଙ୍ଗ ଚିତ୍ରରେ ସେ ଜଣେ ଧୁରିଣ ଚିତ୍ରଶିଳ୍ପୀ ଥିଲେ। ବାଲେଶ୍ୱର ଆର୍ଟ କଲେଜରୁ ଚିତ୍ରକଳାରେ ମାଷ୍ଟର ଡିଗ୍ରୀ ହାସଲ କରିଥିଲେ।ଓଡ଼ିଶା ଲଳିତକଳା ଏକାଡେମୀ ଦ୍ୱାରା ବାଲେଶ୍ୱରରୁ ଦେବେନ୍ଦ୍ର ଏକମାତ୍ର ବ୍ୟକ୍ତିଥିଲେ ଯିଏକି ଦୁଇ ଦୁଇଥର ପୁରସ୍କୃତ ହୋଇଥିଲେ। ରାଜ୍ୟ ଓ ଜାତୀୟ ସ୍ତରର ବିଭିନ୍ନ ଚିତ୍ରକଳା ସମ୍ମିଳନୀରେ ଅଂଶଗ୍ରହଣ କରି ସମ୍ମାନିତ ହୋଇଛନ୍ତି। ତାଙ୍କ ବିୟୋଗରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି l