ତିର୍ତୋଲ (ସାମନ୍ତରାୟ ମନୋରଞ୍ଜନ ଦାସ) : ବିଜେଡି ନେତା ଗାଇଲେ ଗୀତ l ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ର ତିର୍ତୋଲ ନିର୍ବାଚନ ମଣ୍ଡଳୀ ରେ । ଗତକାଲି ସନ୍ଧ୍ୟାରେ ଜଗତସିଂହପୁର ଜିଲ୍ଲା ତିର୍ତୋଲ ବ୍ଳକ ସ୍ଥିତ କୁମାର ଉତ୍ସବ ସମିତି ଆନୁକୂଲ୍ୟରେ ୪୬ ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଥିଲା । ଏହି ସଭାରେ ମୁଖ୍ୟ ଅତିଥି ଭାବେ ଜଳସମ୍ପଦ,ସୂଚନା ଓ ଲୋକସମ୍ପର୍କ ବିଭାଗ ମନ୍ତ୍ରୀ ରଘୁନନ୍ଦନ ଦାସ ଯୋଗ ଦେଇଥିଲେ ।ତିର୍ତୋଲ ବିଧାୟକ ତଥା ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ବିଷ୍ଣୁ ଦାସ, ଜଗତସିଂହପୁର ସାଂସଦ ସାଂସଦ ଡା ରାଜଶ୍ରୀ ମଲିକ ଏବଂ ପାରାଦ୍ୱୀପ ବିଧାୟକ ସମ୍ବିତ ରାଉତରାୟ ଉପସ୍ଥିତ ଥିଲେ । ଏହି ସଭାକୁ ପରିଚାଳନା କରିଥିଲେ ବରିଷ୍ଟ ସାମ୍ବାଦିକ ବିଭୁତି ବିଶ୍ୱାଳ । ସେ ନିଜର ବକ୍ତବ୍ୟ ରଖିଥିଲେ ଯେ ଆଗକୁ କିଭଳି ଆଜିର ଏହି କୁମାର ଉତ୍ସବ ଆହୁରି ଆକର୍ଷଣ ହେବ ଆମେ ସମସ୍ତେ ମିଳି ମିଶି ସହଯୋଗ କରିବୁ । ଏହା ପରେ ପରେ ସଭା ଶେଷ ହେଲାପରେ ବିଷ୍ଣୁ ଦାସ ସଭାରେ ବସିଥିବା ବେଳେ ଦର୍ଶକଙ୍କ ଅନୁରୋଧରେ ଏହି ୩ ନେତା ସଭା ମଞ୍ଚରେ ଗୀତ ଗାଇଥିଲେ । ଯାହାକୁ ଦେଖିବା ପାଇଁ ବେଶ ଭିଡ ଜମିଥିଲା l ରାଜ୍ୟ ତୁଙ୍ଗ ନେତାଙ୍କ ଏକତ୍ର ଗାୟନରେ ସୁନ୍ଦର ଭଜନକୁ ଉପଭୋଗ କରିଥିଲେ ବିଧାୟକ ଓ ଦର୍ଶକ । କରତାଳିରେ ଫାଟି ପଡ଼ୁଥିଲା କୁମାର ଉତ୍ସବ ପଡିଆ । ଏହି ନେତାଙ୍କ ସ୍ୱର ଭରା ଗୀତ ମୋବାଇଲରୁ ମୋବାଇଲ ଏବେ ଭାଇରଲ ହେବାରେ ଲାଗିଛି । ଯାହାକୁ ନେଇ ରାଜ୍ୟ ରାଜନୀତି ଆହୁରି ସରଗରମ ହୋଇଛି ।