ଖୋର୍ଦ୍ଧା(ଅନସୂୟା ଶ୍ରୀଚନ୍ଦନ) : ଅର୍ଧନଗ୍ନ ଅବସ୍ଥାରେ ଯୁବତୀ ଉଦ୍ଧାର । ଗଣଦୁଷ୍କର୍ମ ପରେ ଯୁବତୀଙ୍କୁ ରାସ୍ତାରେ ଦୁର୍ବୁର୍ତ୍ତମାନେ ଫିଙ୍ଗି ଦେଇଥିବା କୁହାଯାଉଛି l ଭୁବନେଶ୍ୱରରୁ ଖୋର୍ଦ୍ଧା ଏକ କାରରେ ଲିଫ୍ଟ ମାଗି ଆସୁଥିବା ବେଳେ ତାଙ୍କୁ ଖୋର୍ଦ୍ଧା 16ନଂ ଜାତୀୟ ରାଜପଥର ଶିଳ୍ପାଞ୍ଚଳ ଫାଣ୍ଡି ଅଧିନରେ ଥିବା ଜେମାଦେଇ ସ୍ମସାନ ନିକଟରେ ଉକ୍ତ କାରରେ ଥିବା ଦୁବର୍ତ ମାନେ ଫିଙ୍ଗି ଦେଇ ଚାଲିଯାଇଥିବା ଜଣାପଡିଛି । ତେବେ ଯୁବତୀଙ୍କୁ ସ୍ଥାନୀୟ ଲୋକ ଅର୍ଦ୍ଧନଗ୍ନ ଅବସ୍ଥାରେ ଉଦ୍ଧାର କରି ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ କର୍ମଚାରୀ ମାନେ ଘଟଣା ସ୍ଥଳରେ ପହଂଚି ଯୁବତୀଙ୍କୁ ଉଦ୍ଧାର କରି ଖୋର୍ଦ୍ଧା ମେଡିକାଲରେ ଚିକିତ୍ସା ପାଇଁ ଭର୍ତି କରିଛନ୍ତି । ଖୋର୍ଦ୍ଧା ଆଦର୍ଶ ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଘଟଣା ସମ୍ବେଦନଶୀଳ ଥିବାରୁ ମେଡିକାଲରେ ଖୋର୍ଦ୍ଧା ଏସ୍ପିଙ୍କ ସମେତ ବରିଷ୍ଠ ପୋଲିସ ଅଧିକାରୀ ମାନେ ଉପସ୍ଥିତ ରାହି ଘଟଣାର ଅନୁସନ୍ଧାନ ଜାରୀରଖିଛନ୍ତି ।