ନାଉଗାଁ(ମନୋଜ କୁମାର ନାୟକ): ନାଉଗାଁ ବ୍ଳକ ଅନ୍ତର୍ଗତ ତିରୁଣା ସ୍ଥିତ ଗୋପବନ୍ଧୁ ସ୍ମାରକୀ ନୋଡାଲ ବିଦ୍ୟାଳୟ ରାଜ୍ୟ ସ୍ତରୀୟ ସ୍ୱଚ୍ଛ ପୁରସ୍କାର ପାଇବା ପାଇଁ ଯୋଗ୍ୟ ବିବେଚିତ ହୋଇଥିବା ଜଣାଯାଇଛି । ପ୍ରକାଶ ଯୋଗ୍ୟ ଯେ ଏହି ପୁରସ୍କାର ପାଇବା ପାଇଁ ବ୍ଳକର ବିଭିନ୍ନ ବିଦ୍ୟାଳୟ ଅନଲାଇନ ମାଧ୍ୟମରେ ଆବେଦନ କରିଥିଲେ । ବିଦ୍ୟାଳୟର ବାତାବରଣ, ସ୍ୱଚ୍ଛତା ଆଦି ବିଭିନ୍ନ ଦିଗ ଉପରେ ତର୍ଜମା କରାଯାଇଥିଲା । ଯେଉଁ ବିଦ୍ୟାଳୟ ଗୁଡିକ ବ୍ଳକ ସ୍ତରରେ ସ୍ୱଚ୍ଛତା ପୁରସ୍କାର ପାଇବା ପାଇଁ ଆବେଦନ କରିଥିଲେ । ବ୍ଳକ ସ୍ତରରେ ଏକ କମିଟି ଗଠନ କରାଯାଇ ବିଦ୍ୟାଳୟଗୁଡିକ ସରକାର ଙ୍କ ଗାଇଡ ଲାଇନ ରେ ଅନ୍ତଭୂକ୍ତ ହେଉଛନ୍ତି କୁ ନାହିଁ ତାହାକୁ ତଦନ୍ତ କରାଯାଇ ଜିଲା ସ୍ତରକୁ ରିପୋର୍ଟ ପ୍ରଦାନ କରାଯାଇଥିଲା । ପରେ ଜିଲା ସ୍ତରୀୟ କମିଟି ମାଧ୍ୟମରେ ଯାଂଚ କରାଯାଇ ରାଜ୍ୟ ସ୍ତରକୁ ପଠାଯାଇଥିଲା । ରାଜ୍ୟ ସ୍ତରରେ ଉକ୍ତ ବିଦ୍ୟାଳୟକୁ ସ୍ୱଚ୍ଛତା ବିଦ୍ୟାଳୟ ଭାବେ ଘୋଷଣା କରାଯାଇଥିବା ଜଣାଯାଇଛି । ଏସଂକ୍ରାନ୍ତରେ ଓଡିଶା ପ୍ରାଇମେରୀ ଏଜୁକେଶନ ପୋଗ୍ରାମ ଅଥରିଟି ଙ୍କ କାର୍ଯ୍ୟାଳୟରୁ ଚିଠି ନଂ ୮୯୯୯/୧୯ ସମସ୍ତ ଜିଲାର ଜିଲା ଶିକ୍ଷାଧିକାରୀଙ୍କ ନିକଟକୁ ପଠାଯାଇଛି । ଏହି ପୁରଷ୍କାର ୧୫ ନଭେମ୍ବର ୨୦୧୯ ରେ ପ୍ରଦାନ କରାଯିବ ।