ପାରାଦୀପ/ ଅଠରବାଙ୍କୀ(ସ୍ମୃତି ରଞ୍ଜନ ଜେନା): ପାରାଦୀପରେ ଆଜି ସକାଳୁ ସକାଳୁ ଦୁଇଟି ପୃଥକ ପୃଥକ ଦୁର୍ଘଟଣାରେ ଦୁଇ ଜଣଙ୍କର ମୃତ୍ଯୁ ହୋଇଛି | ପାରାଦୀପ ମୁଖ୍ୟ ରାସ୍ତା ଟର୍ମିନାଲ ଛକରେ ବାଇକ୍ ଆରୋହୀଙ୍କ ଉପରେ ଟ୍ରକ ମାଡିଯିବା ରୁ ଘଟଣା ସ୍ଥଳରେ ହିଁ ଉମେଶ ବେହେରାଙ୍କର ମୃତ୍ଯୁ ହୋଇଛି | ଉମେଶଙ୍କ ଘର ଯାଜପୁର ଜିଲ୍ଲା ବରୀ ବୋଲି ଜଣାପଡିଛି | ସେହିପରି ନେହେରୁ ବଙ୍ଗଳା ରାସ୍ତା ରେ ଜଣେ ସାଇକେଲ ଆରୋହୀ ଙ୍କୁ ଅଜଣା ଗାଡି ଧକ୍କା ଦେବା ଫଳରେ ତାଙ୍କୁ ଗୁରୁତର ଅବସ୍ଥାରେ ଅଠରବାଙ୍କୀ ବିଜୁ ମେମୋରିଆଲ ଡାକ୍ତରଖାନାକୁ ଅଣାଯାଇ ଚିକିତ୍ସା କରାଯାଉଥିବା ବେଳେ ତାଙ୍କର ମଧ୍ଯ ମୃତ୍ଯୁ ଘଟିଛି | ତାଙ୍କ ନାମ ହେଉଛି ପ୍ରମୋଦ ସେଠି ଓ ତାଙ୍କ ଘର କେନ୍ଦ୍ରାପଡା ଶିରୀପୁର ବୋଲି ଜଣାପଡିଛି |