ବାଙ୍କୀ: ବାଙ୍କୀ ଡମପଡ଼ା ଶିଶୁଆ ପ୍ରୋଜେକ୍ଟ୍ ୟୁ.ପି.ସ୍କୁଲଠାରେ ଦିବ୍ୟାଙ୍ଗ ଛାତ୍ରଛାତ୍ରୀ ଓ ଅଭିଭାବକଙ୍କୁ ନେଇ ହୋଇଥିବା ୩ଦିନ ବ୍ୟାପି ଧନ୍ଦାମୂଳକ ପ୍ରଶିକ୍ଷଣ ଶିବିର ଗତକାଲି ଉଦଯାପିତ ହୋଇଯାଇଛି । ଉଦ୍ୟାପନ ଉସôବକୁ ଡମପଡ଼ା ମଣ୍ଡଳ ଶିକ୍ଷାଅଧିକାରୀ ପ୍ରତୀମା ସୁନ୍ଦରୀ ଦଳେଇ ଉଦ୍ଘାଟନ କରି ଦିବ୍ୟାଙ୍କ ଛାତ୍ରଛାତ୍ରୀ ଓ ଅଭିଭାବକମାନଙ୍କୁ ଧନ୍ୟବାଦ ଦେଇଥିଲେ । ସେ କହିଥିଲେ, ଆପଣମାନେ ଦୀର୍ଘ ୩ଦିନ ଧରି ଯେଉଁ ସବୁ ଆତ୍ମ ନିର୍ଭରଶୀଳ ଧନ୍ଦାମୂଳକ କାର୍ଯ୍ୟର ଶିକ୍ଷା ଶିବିରରେ ଲାଭ କଲେ ତାହା ଦୈନନ୍ଦିନ ଜୀବନରେ ବ୍ୟବହାର କଲେ ଆପଣମାନେ ସ୍ୱବାଲମ୍ବୀ ହୋଇପାରିବେ । ଏହି ତାଲିମ୍ ଶିବିରର ଛାତ୍ରଛାତ୍ରୀମାନଙ୍କୁ ବି.ଆର.ପି ଲିମା ମହାପାତ୍ର ଓ ଜ୍ୟୋର୍ତିମୟୀ ମହାପାତ୍ର ବିଭିନ୍ନ ଥାନା ,ମେଡିକାଲ, ବ୍ୟାଙ୍କ ଓ ବିଭିନ୍ନ ବ୍ୟବସାୟୀ ଅନୁÂାନମାନଙ୍କୁ ନେଇ ଅର୍ଥ ଲଗାଣ, ସ୍ୱାସ୍ଥ୍ୟ ସେବା, ଶୃଙ୍ଖଳା ଜ୍ଞାନ ଓ ବ୍ୟବସାୟିକ ଜ୍ଞାନ ବୁଝାଇଥିଲେ । ଶିବିରରେ ଦିବ୍ୟାଙ୍କ ପିଲାମାନେ ଓ ଅଭିଭାବକମାନେ ସନ୍ତୁଷ୍ଟି ଲାଭ କରିଛନ୍ତି ବୋଲି ଡମପଡ଼ା ବ୍ଲକ ଅତିରିକ୍ତ ଶିକ୍ଷାଅଧିକାରୀ ଗଦାଧର ପ୍ରଧାନ ପ୍ରକାଶ କରିଛନ୍ତି । ସିଆରସିସି ବଳରାମ ପାଇକରାୟ ଓ ତପନ ରାମ ଯୋଗଦେଇଥିଲେ । ଏହି କାର୍ଯ୍ୟକ୍ରମକୁ ମନୋରଞ୍ଜନ ସାହୁ, ମହେଶ ଦଳେଇ, କାମିନୀ ଦଳେଇ, ସୁରେଶ ରାଉତ ପ୍ରମୁଖ ସହଯୋଗ କରିଥିଲେ ।