ଖୋର୍ଦ୍ଧା(ଅନସୂୟା ଶ୍ରୀଚନ୍ଦନ): ଖୋର୍ଦ୍ଧା ଜିଲ୍ଲା ଟାଙ୍ଗୀ ବନ୍ୟପ୍ରାଣୀ ବନାଞ୍ଚଳ ରେଞ୍ଜ ଅଧିନ ମଙ୍ଗଳାଯୋଡି଼ କ୍ୟାମ୍ପ ଅନ୍ତର୍ଗତ ଅଭିମାନପୁର ରିଙ୍ଗ ବନ୍ଧ ନିକଟରୁ ଗତକାଲି
ଅପରାହ୍ନ ସମୟରେ ପେଟ୍ରୋଲିଂ କରୁଥିବା ସମୟରେ ଜଣେ ନାବାଳକ ଶିକାରୀ ନିକଟରୁ ୧୧ଟି ମୃତ ପକ୍ଷୀ ଓ ଗୋଟିଏ ମୋଟରସାଇକେଲ ଜବତ କରିବା ସହ ଗିରଫ କରିଛି ।ଗିରଫ ନାବାଳକ ପକ୍ଷୀ ଶିକାରୀ ଜଣକ ହେଲେ ଉଜ୍ଜଳା-ଗୋପିନାପୁର ଗାଁର ପରମେଶ୍ବର ପ୍ରଧାନ ବୋଲି ଜଣାପଡିଛି।ଜବତ ମୃତ ପକ୍ଷୀ ଗୁଡ଼ିକ ପଞ୍ଚନାମା ପାଇଁ ପଠାଯାଇଥିବା ଟାଙ୍ଗୀ ବନ୍ୟପ୍ରାଣୀ ବନାଞ୍ଚଳ ଅଧିକାରୀ ସୂଚନା ଦେଇଛନ୍ତି ।ଏହି ଚଢ଼ାଉରେ ଫରେଷ୍ଟର ପ୍ରଣୟ ଜୟସିଂ,ଫରେଷ୍ଟ ଗାଡ଼ ଆଲୋକ ବେହେରା ଓ ଶିବ ପ୍ରଶାଦ ପଲ୍ଲେଇ ସାମିଲ ଥିଲେ।