ପାରାଦୀପ (ଦିପ୍ତୀରଂଜନ ଦାସ ): ପାରାଦୀପ ବରେଇ ଛକ ନିକଟରେ ଆଜି ସକାଳେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଟ୍ୟୁସନ୍ ଯାଉଥିବା ଜଣେ ସ୍କୁଲ ଛାତ୍ରଙ୍କ ଉପରେ ଦ୍ରୁତ ଗତିରେ ଆସୁଥିବା ଏକ ହାଇୱା ମାଡ଼ିଯିବାରୁ ତାଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା। ଦୁର୍ଘଟଣା ଘଟିଥିବା ହାଇବା ଗାଡି ନ (ଓଆର ୨୧ ଇ ୧୬୫୧) ବୋଲି ଜଣାପଡିଛି । ମୃତ ଛାତ୍ର ଜଣକ ହେଲେ କାହ୍ନୁ ଚରଣ ମହାନ୍ତି (୧୦ ) । ଏହି ଦୁର୍ଘଟଣାରେ ଆଉ ୨ଜଣ ଛାତ୍ର ଗୁରୁତର ମଧ୍ୟ ହୋଇଛନ୍ତି। ଏହି ତିନି ଜଣ ଛାତ୍ର ଫୁଲବେଲାରୀ ଗ୍ରାମର ବୋଲି ଜଣାପଡିଛି । ଗୁରୁତର ଛାତ୍ରଦ୍ୱୟଙ୍କୁ କୁଜଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି । କ୍ଷତିପୂରଣ ଦାବିରେ ଲୋକେ ରାସ୍ତାରୋକ କରିଛନ୍ତି।
