କଟକ(ସରୋଜ କୁମାର ବେହେରା): ଉଦ୍ଧାର ଫାଉଣ୍ଡେସନ ପକ୍ଷରୁ ଆଜି ମଙ୍ଗୁଳି ଷ୍ଟେଷନ ରେ ଅଚେତ ଅବସ୍ଥାରେ ପଡିଥିବା ଜଣେ ବୃଦ୍ଧାଙ୍କୁ ଉଦ୍ଧାର କରାଯାଇଥିଲା। ଫାଉଣ୍ଡେସନ ସଦସ୍ୟା ଝରଣା ଜେନା, ଉଦ୍ଧାର ଫାଉଁଣ୍ଡେସନ ର ବରିଷ୍ଟ କର୍ମକର୍ତ୍ତା ଶିବାନନ୍ଦ ବାରିକ୍ ଙ୍କ ସହାୟତାରେ ଉକ୍ତ ବୃଦ୍ଧା ଜଣଙ୍କୁ ଉଦ୍ଧାର କରି ଚୈାଦ୍ବାର ଥାନାର ଅଧିକାରୀ ପଦ୍ମନାଭ ପ୍ରଧାନଙ୍କ ଦୃଷ୍ଟି କୁ ଆଣି ପୋଲିସ୍ ର ସହାୟତାରେ ତାଙ୍କ ଘର ଲୋକଙ୍କୁ ଖବର ଦେଇଥିଲେ। ତେବେ ଯାଜପୁର ଜିଲ୍ଲା ପାଣିକୋଇଲୀ ଥାନା ଅଞ୍ଚଳର ବୃଦ୍ଧାଜଣଙ୍କର ବଡ ପୁଅ ଭୀମସେନ ସ୍ବାଇଁ ଆସି ସୁସ୍ଥ ଅବସ୍ଥାରେ ନିଜ ମା’ କୁ ନିଜ ଘରକୁ ନେବାରେ ସମର୍ଥ ହୋଇଥିଲେ। ଏହି ମହତ କାର୍ଯ୍ୟରେ ଉଦ୍ଧାର ଫାଉଣ୍ଡେସନର ଅଧ୍ୟକ୍ଷ ନରୋତ୍ତମ ଦାସଙ୍କ ସହ ଅନ୍ୟାନ୍ୟ ସହକର୍ମୀ ମାନେ ଉପସ୍ଥିତ ଥିଲେ।