କୁଜଙ୍ଗ(ରଂଜିତ କୁମାର ପଣ୍ଡା): କୁଜଙ୍ଗ ବ୍ଳକ ଗୋପିଆକୁଦ ପଂଚାୟତ ପକ୍ଷରୁ ଆଜି ସ୍ଥାନୀୟ ସରପଂଚ ନନ୍ଦିନୀ ପଣ୍ଡାଙ୍କ ନେତୃତ୍ୱରେ ନିଶା ନିବାରଣ ସଚେତନତା ଶୋଭାଯାତ୍ରା ପଂଚାୟତ ସ୍ତରରେ ଆୟୋଜିତ ହୋଇଯାଇଛି । ବେଥାନୀ ସାମାଜିକ ସଂସ୍ଥା ସହାୟତାରେ ଆୟୋଜିତ ହୋଇଥିବା ଏହି ଶୋଭାଯାତ୍ରା ପଂଚାୟତର ବରିହା, ତାଳଦଣ୍ଡା, ଗୋଠଡ଼ିଆ, ସାହୁ ବଜାର ଆଦି ଅଂଚଳ ପରିକ୍ରମା କରି ପଂଚାୟତ କାର୍ଯ୍ୟାଳୟ ନିକଟରେ ପହଂଚିଥିଲା । ଏହି ଶୋଭାଯାତ୍ରାରେ ଶତାଧିକ ମହିଳା ମାନେ ସାମିଲ ହୋଇ ନିଶା କିପରି ନିଜର, ନିଜ ପରିବାରର ଏବଂ ସମାଜର କ୍ଷତି ସାଧନ କରେ ସେନେଇ ସଚେତନତା ସୃଷ୍ଟି କରିଥିଲେ । କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଜିଲ୍ଲାପରିଷଦ ସଭ୍ୟା ସୁଶ୍ରୀ ପ୍ରିୟଦର୍ଶିନୀ, ବେଥାନୀ ସାମାଜିକ ସଂସ୍ଥାର ସିଷ୍ଟର ଶାନ୍ତିପ୍ରିୟା, ନିରୂପମା ସାମନ୍ତରାୟ, ପିଂଟୁ ସାମନ୍ତରାୟ, କୁନା ପଣ୍ଡା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହୟତା ପ୍ରଦାନ କରିଥିଲେ ।