କୁଜଙ୍ଗ(ରଂଜିତ କୁମାର ପଣ୍ଡା): କୁଜଙ୍ଗ ଥାନା ଅନ୍ତର୍ଗତ ଜିଲ୍ଲାନାସୀ ପଂଚାୟତର ଜନୈକା ଯୁବତୀଙ୍କୁ ପଡେ଼ାଶୀ କେନ୍ଦ୍ରାପଡ଼ା ଜିଲ୍ଲାର ଜଣେ ଯୁବକ ଗତ ୫ ଦିନ ତଳେ ଅପହରଣ କରିନେଇ ୫ ଦିନପରେ ପୁଣି ଆଣି ଜିଲ୍ଲାନାସୀ ମହାନଦୀ ପୋଲ ଉପରେ ଛାଡ଼ି ଦେଇଯାଇଥିବା ନେଇ ଥାନାରେ ଅଭିଯୋଗ ହୋଇଛି । ସମ୍ପୃକ୍ତ ଯୁବତୀଙ୍କୁ ଭୋର ସମୟରେ ଗ୍ରାମ ଲୋକମାନେ ଉଦ୍ଧାର କରି ପରିବାର ଜିମା ଦେଇଥିଲେ । ତେବେ ଅପହର୍ତା ଏବଂ ସହଯୋଗୀ ମାନେ ଫେରାର ହୋଇଥିବା ଜଣାପଡ଼ିଛି ।
ଅଭିଯୋଗରୁ ପ୍ରକାଶଯେ, କୁଜଙ୍ଗ ବ୍ଳକ ଜିଲ୍ଲାନାସୀ ଗ୍ରାମର ଜନୈକା ଯୁବତୀଙ୍କୁ କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଳକ ତିଖିରୀ ପଂଚାୟତର ସାମଜରୀ ଗ୍ରାମର ଦିଲ୍ଲୀପ ମହାନ୍ତିିଙ୍କ ପୁତ୍ର ଦିନେଶ ମହାନ୍ତି ଗତ କିଛିଦିନ ହେବ ଭଲ ପାଉଥିଲେ । ତେବେ ଗତ ୧ ତାରିଖ ଦିନ ପ୍ରାୟ ରାତି ବାରଟା ସମୟରେ ଦିନେଶ ସମ୍ପୃକ୍ତ ଯୁବତୀଙ୍କୁ ଜିଲ୍ଲାନାସୀ ଗ୍ରାମ ପାଶ୍ୱର୍ରେ ଥିବା ମହାନଦୀ କୂଳକୁ ଡ଼ାକିଥିଲେ । ଏବଂ ପରବର୍ତୀ ସମୟରେ ଦିନେଶ ଯୁବତୀଙ୍କୁ ନିଜ ଘର ଆଡ଼କୁ ନେଇ ଯାଇଥିଲେ । ସେଠାରେ ସେମାନେ ଏକାଠି ରହିଥିଲେ । ମାତ୍ର ଗତ ୫ ତାରିଖ ଭୋର ସମୟରେ ଯୁବତୀଙ୍କୁ ଦିନେଶ ଏବଂ ତାର କେତେକ ସହଯୋଗୀ ଜିଲ୍ଲାନାସୀ ମହାନଦୀ ପୋଲ ଉପରେ ଛାଡ଼ିଦେଇ ପଳାଇ ଯାଇଥିବା ନେଇ ଯୁବତୀଙ୍କ ବାପା ସ୍ଥାନୀୟ ଥାନାରେ ଅଭିଯୋଗ କରିଛନ୍ତି । ଯୁବତୀଙ୍କୁ ଉଦ୍ଧାର କରିବା ସମୟରେ ତା ଦେହରେ ବିଭିନ୍ନ କ୍ଷତ ସ୍ଥାନ ରହିଥିବା ତାଙ୍କ ବାପା ଅଭିଯୋଗରେ ଦର୍ଶାଇ ଥିବା ଜଣାପଡ଼ିଛି । ଏନେଇ ଅଭିଯୋଗ ହୋଇଥିବା ବେଳେ ଏହା ଉପରେ ପଦକ୍ଷେପ ଗ୍ରହଣ କରୁଥିବା ଥାନା ଅଧିକାରୀ ଦିଲ୍ଲୀପ ସାହୁ ପ୍ରକାଶ କରିଛନ୍ତି ।