ପାରାଦୀପ(ଦୀପ୍ତିରଂଜନ ଦାସ): କଥାରେ ଅଛି ସବୁଜ ସୁନ୍ଦର, ନଗରୀ ପାରାଦୀପ ବନ୍ଦର । ଏହା ଏକ ବୃହତ ବନ୍ଦର ରୂପେ ବିବେଚିତ ପାଇବାକୁ ଥିବା ବେଳେ ବିଲେଇ ମୁଣ୍ଡରେ ସିକା ଛିଣ୍ଡିଲା ପରି ଅଟକି ଯାଇଛି କିଛିଟା ଦୁଃଖ । ଏହାର ପ୍ରତିକାର କରିବା ପାଇଁ ଦେଖିକରି ନ ଦେଖିଲା ପରି ପଛ ଘୁଂଚା ଦେଇ ଚାଲିଛନ୍ତି । ପାରାଦ୍ୱୀପ ନୂଆବଜାରସ୍ଥିତ ମାର୍କେଟ କମ୍ପଲକ୍ସର ଦୋକାନ ଘର ସବୁ ତାଜାରୁ ଅତଡାଏ ଲେଖାଁ ଖସୁଛି । କାହାର ମୁଣ୍ଡରେ ପଡି କେତେ ବେଳେ ଜୀବନ ଚାଲିଯିବ ତାହା ଜଣା ନାହିଁ । ଏଭଳି ଆକୃତିର ହୋଇଥିବା ତାଜାରୁ ସିମେଂଟ ଖସି ରଡ ଦେଖା ଗଲାଣି ତ ଏପଟେ ଛାତ ଫାଟି ବର୍ଷା ପାଣି ଗଳିଲାଣି । ଅଭିଯୋଗ କରି ଲୋକମାନେ ଥକି ଗଲା ସତ୍ୱେ କାହାର ସୁରାଗ ମିଳୁ ନାହିଁ । ଗ୍ରାହକମାନେ ଆସିବାକୁ ଡରରେ ଥର ହର ହେଉଛନ୍ତି । ମାର୍କେଟ କମ୍ପେଲକ୍ସର ଆଗ ସାମ୍ମାରେ ଟ୍ରକ୍ ଯଥା ବଡ ବଡ ଗାଡି ମାନଙ୍କର ପାର୍କିଙ୍ଗ କରି ଆଖଡାସ୍ଥଳି ଜମେଇ ସାରିଲେଣି । ଏହା କେବେ ସମାଧାନ ହେବ ଅପେକ୍ଷାରେ ସମସ୍ତେ ଆତୁର ଭାବେ ଚାହିଁ ରହିଛନ୍ତି ।